Кыргызстандын Саламаттык сактоо министрлиги Баткендеги кыргыз-тажик чек чатагында 15 жаштагы кыздын каза болгонун тастыктады.

“Баткен облусунан алынган ыкчам маалыматтарга караганда, каза болгон учурлар дагы бар, алар боюнча маалымат такталууда. Кошумча маалымат кийинчерээк берилет”, — деп айтылат билдирүүдө.

Министрлик саат 18:00гө карата чек арадагы куралдуу кагылышта жараат алгандардын саны 55ке жеткенин маалымдады. Алардын үчөө амбулатордук дарылоого жөнөтүлгөн.

Алардын көбү денесине ок тийгендер жана жарылуудан жараат алгандар. Жалпы жабыркагандардын ичинен жетөө аял, беши балдар. Баткен облустук бириккен ооруканасында 23, Лейлекте 22, Кулундуда үч, Улуттук госпиталда үч, Улуттук хирургия борборунда бир бейтап дарыланып жатат.

Булак: Азаттык

0 0 голоса
Макаланын рейтинги
guest
0 Пикирлер
Баарын көрүү