16-сентябрда тажик аскерлери Баткендин Көк-Таш — Аксай — Тамдык унаа жолунун 7-чакырымындагы Ак-Суу дарыясына орнотулган 36 метрлик көпүрөнү жардырып жиберишти. Бул тууралуу Транспорт жана коммуникация министрлигинин басма сөз кызматы кабарлады.

Мекеменин маалыматына ылайык, чек арага жакын Кызыл-Бел — Достук жана Эски-Оочу — Максат унаа жолдорунда транспорт министрлигине караштуу бирден жүктөгүч техника, жеңил автоунаа, экскаватор жана бульдозер калган.

Басма сөз кызматынан учурда чек арадагы кырдаалга байланыштуу кароосуз калган техниканы алып кетүүгө мүмкүн эместигин белгилешти.

УКМКнын Чек ара кызматы Баткендеги кыргыз-тажик чек арасында 18-сентябрга караган түн тынч өткөнүн билдирген. Бирок саат 08:30га карата чек аранын Баткен облусундагы жана Оштун Чоң-Алай районундагы тилкесинде абал чыңалуу бойдон сакталып турат.

Булак: Клооп

0 0 голоса
Макаланын рейтинги
guest
0 Пикирлер
Баарын көрүү